Quien fúrun ls purmeiros habitantes de la Península Eibérica

Ls purmeiros pobos que habitórun la Península Eibérica haberan chegado ne l tiempo pré-stórico, ou seia, quando inda nun habie scrita. Hai bários spuneres suobre d’adonde haberan benido i porquei. Talbeç que an busca de quemida i dun clima más sereno. Ua cousa ye cierta, nien eideia fazien suobre este sítio. Esse pobo fui batizado de “eiberos”, l que acabou por dar ourige al nome de la Península. Mas, se julgas que ls eiberos fúrun eilhes solos ls habitantes deiqui, stás mui anganhado. A estes ajuntórun-se ls celtas, un pobo de la Ouropa Central que truxo maneiras nuobas de trabalhar l ouro i l fierro. Juntos, formórun ls celtiberos, que tenien bárias tribos cumo Zoelas ou ls Lusitanos más conhecidos. Mas debagar, que inda hai más!